‘Monthsary’

Maaga akong gumising kanina, 9 am. 10 to 11 na kasi ako usually bumabangon para manood ng MYX at replays ng Lost sa Kabarkada network. Naisip kong papakin ang kaning lamig na nag-survive sa paglamon ko kagabi. Hindi ko na iinitin, aksaya pa sa lakas yun eh.

*Lakad, lakad, lakad*

Shete, walang laman. Itinuwad ko na ang kaldero pero wala talaga syang maialay saken sa pagkakataong to. Gusto ko pa naman sanang ulamin yung adobong manok na nasa ref, pero naalala ko wala nga pala akong ref, kaya sa right nalang ako lumingon. Uy– diary ko nakatakas! Hindi naman talaga diary ang tawag ko sa kanya kundi personal planner. Free nung bumili ako ng isang particular issue ng Reader’s Digest dati.

*Buklat, buklat, buklat*

Napaparami na ang diary entries ko tungkol sa blogging ah. Oopsss..Teka..Wow..Sambuwan na pala akong nagba-blog! Akalain mo yun, akala ko rin hindi ko mami-maintain to kasi ningas-kogon ako. Sanlinggo na rin pala akong hindi pa nagpo-post. Pero bottomline ay nakaisang buwan na rin ako. What can I say? Yohoo!

Naalala ko rin. Di tulad ng mga unang monthsaries namin ni boss, tong pagba-blog ko ay medyo tumatak naman kahit papano. Kaya nya siguro ako binibigyan ng sarap-mong-kainn-ng-buhay-pagkatapos-sampal-sampalin na dagger looks dati. Pero in fairness to me, nalulusutan ko naman almost all the time na makakalimot ako. Yung lusot na tipong kikiligin pa tuloy sya dahil parang sinadya ko pa.

Huwaw. Naka-600 hits din pala ako. Kung sa iba pa to ay isang post pa lang ang 600 hits. Di man kasing-bongga ng ibang bloggers na naging institusyon na sa wordpress, at least masasabi kong hindi lang ako ang bumabasa ng sarili kong site. Salamat sa lahat ng mga dumaan at nakiramay nang parang lamay lang to.

Salamat din lalo sa mga nag-comment! Bah, ilang calories din ng energy ang nagagamit pag nagki-click at nagta-type. Tsaka pag-iisipan pa yung kung anong sasabihin saken o sa post ko o sa site ko. Pati sa mga inilagay ako sa blogroll nila. May mga nakiramay sa lovelife ko, na iniisip kong nakasulat na sa notebook ng tadhana na kami talaga ni boss. May mga gustong ma-evict si Richelle sa mundo dahil sa pang-aaway nya saken. May mga nakisama sa pagiging frustrated sports writer ko. Sa frustrations ko sa buhay, sa pagiging non-student ko ngayon. At sa lahat ng bumasa!

Maiiyak ako sa inyong lahat! At mahahalikan ko kayo sa tuwa! Pa-kiss, yung gums-to-gums! Pero seryoso, from the bottom of my heart, thank you! Mahal ko na kayo (char)..

Mga Marka: adobo, blog, comments, hits, links, monthsary, ref, stats