SM Taytay scandal..sshhh..

Kahit pa ikukwento ko to, sana wag masyadong kumalat. Nangyari to nung first week ko sa work. Hindi paman nagbubukas ang SM City Taytay ay nag-open na kami ng damdamin para sa isa’t-isa. Gusto ko sanang ibaon sa limot ang nangyari, kasi nakakahiya, pero may mga nakahuli samen at malamang ay ikalat din nila yun.

Yung bidang babae sa scandal na to ay si RICHELLE. Kung physical beauty lang ang pag-uusapan, sya ay LIWANAG sa dilim. Maputi, kutis labanos. May katangkaran din. Sexy. Marunong manamit nang ayon sa katawan nya. Oozing with sex appeal. Sa madaling salita, palung-palo.

FIRST SCENE

First week ko nga nun sa trabaho, syempre hangga’t maaari ayaw pa naming gumawa ng kalokohan. Tumambay kami ng mga kagaya kong lalaking part-timers sa hallway papuntang selling area ng Department Store. Dun ko unang nasilayan si Richelle. Shete, parang nakakita ako ng anghel nang mapadaan sya kasama ng mga ka-department nya. Tatambay din pala sila dun mismo sa may kinauupuan namin.

She broke the ice. “Kanina pa kami nakatayo dito, wala man lang bang gentleman dito?” Medyo mataray pa yung pagkakasabi nya samen. Tama nga naman, naisip ko. Kanina ko pa din kasi gustong tumayo para paupuin sila, kaso kahit tumayo kaming lahat ay kukulangin parin ng upuan para sa kanila. Pero sige, tumayo na rin kami at sila naman ang naupo.

Maya-maya bumanat ako ng isa para sa kanila, hoping it will jumpstart a conversation at possible friendship. Parang game din kasi sila at nagbiro pa kanina, so I returned the favor. “Kanina pa kami nakatayo dito kaya..pakandong naman oh!”

Ngumiti yung iba nyang mga kasama, na-gets yung joke ko. Tapos tumayo bigla si Richelle, sa isip-isip ko siguro magjo-joke ulit.

ETO NA YUN–YUNG SCANDAL!

Ngumiti din sya ng bahagya. Tsaka NAGSISIGAW! “OH SIGE, IKAW NALANG MAUPO, BASTOS KAH! BOYFRIEND KO NGA HINDI AKO BINABASTOS NG GANYAN, IKAW PA?!” Natahimik ang buong paligid at tila sya lang ang gumagalaw at pinapanood at pinakikinggan ng lahat.

Nakngjueteng.

Hindi ko na pinakinggan ang mga sumunod na pinagsasabi nya. Hindi ko alam pero parang pitong beses nya yata akong minura sa harap ng maraming empleyado rin ng SM Taytay. Napahiya ako, pero okey lang siguro. Sya ang inaalala ko, mas pinapahiya nya ang sarili nya. Nag-iskandalo sya agad nang ganun-ganon nalang. Ano ba namang nakakabastos na salita ang sinabi ko sa kanya para mag-react sya ng ganun?!

LESSON LEARNED

Hindi pala sa lahat ng panahon magandang maging friendly. Sinumbong nya ko sa manager ko, at pinagharap kami para ulitin ko yung apology ko na hindi nya daw narinig nung nagsisigaw sya. Hindi ko na pinagtanggol ang sarili ko, dapat nga sinabi ko na hindi sya professional at ganun sya ka-OA sa mga situations na ganun. Pano nalang kung nasa duty na sya, gaganunin nya ang customer?

Alam ko maraming pwedeng maging dahilan, sabi nya nga hindi daw naman kami close para mag-joke ako ng ganun. Eh pano kami magiging close kung hindi kami mag-iimikan? Okay, I get it. She doesn’t talk to strangers. Ipinagpalagay ko nalang na ganun. Baka meron lang din sya nun, sabi ng mga ka-department ko. Mataray daw talaga sya at iniiwasan din nila.

Ngayon alam ko na.

Yun ang scandal, na nangyari sa swerteng-swerteng first week ko. Ngayon, alam mo na din.

Mga Marka: first week, richelle, scandal, sm, sm taytay, work